ევროპული ნორმებისა და კანონის უზენაესობის პრინციპის დარღვევის გამო, უნგრეთის მიმართ დისციპლინარული ზომების გამოყენების თაობაზე ევროპარლამენტმა რეზოლუციას მხარი დაუჭირა. აღნიშნულ რეზოლუციას მხარი დაუჭირა 448 ევროდეპუტატმა, 197 წინააღმდეგ წავიდა, ხოლო 48-მა თავი შეიკავა.
თეორიულად აღნიშნული პროცედურის წამოწყებას უნგრეთის მიერ ევროკავშირის საბჭოში ხმის უფლების დაკარგვა შეიძლება მოჰყვეს.
აღსანიშნავია, რომ ევროპარლამენტის სამოქალაქო თავისუფლებისა და მართლმსაჯულების კომიტეტმა რეზოლუცია შეიტანა, რათა ევროკავშირის საბჭომ ევროკავშირის შესახებ შეთანხმების მე-7 მუხლის თანახმად განსაზღვროს არსებობს თუ არა უნგრეთის მიერ იმ ღირებულებების სერიოზული დარღვევის რისკი, რომელზეც ევროკავშირია დაფუძნებული და ასევე განსაზღვროს რეკომენდაციები მათ გამოსასწორებლად.