გიორგი კანდელაკი - „ოთხოზორია-ტატუნაშვილის სიასთან“ დაკავშირებით მთავრობის პასიურობა დანაშაულის ტოლფასია

მოცემულ სიტუაციაში, „ოთხოზორია-ტატუნაშვილის სიასთან“ დაკავშირებით, მთავრობის პასიურობა დანაშაულის ტოლფასია, - ამის შესახებ „ევროპული საქართველოს” წევრმა, გიორგი კანდელაკმა დღეს გამართულ ბრიფინგზე განაცხადა.

კანდელაკის თქმით, „ევროპული საქართველო“ მიესალმება ევროკავშირის დელეგაციის განცხადებებს, რომელშიც ევროკავშირი კიდევ ერთხელ ეხმაურება ადამიანის უფლებების დარღვევებს ჩვენს ოკუპირებულ ტერიტორიებზე და მოითხოვს ტატუნაშვილის მკვლელობის სრულფასოვან გამოძიებას და ასევე გამოთქვამს აღშფოთებას ჩვენი მოქალაქის გიგა ოთხოზორიას მკვლელის არდასჯის გამო.

„ევროპული საქართველო მთავრობისგან მოითხოვს, დააზუსტოს ივლისში გამოქვეყნებული ხარვეზიანი სია, რომელშიც შსს-მ შეიყვანა ერთი მხრივ, დიდი ხნის წინ გარდაცვლილი პირები, ხოლო მეორე მხრივ, არ შეიყვანა რუსეთის ფედერაციის სტრუქტურების არც ერთი წარმომადგენლები. საზოგადოებას შევახსენებთ, რომ მთავრობის დამტკიცებისას „ევროპულმა საქართველომ“ წარმოადგინა რუსეთის იმ სტრუქტურების წარმომადგენლების ვინაობა, რომლებიც უშუალოდ მონაწილეობდნენ, ან შემხებლობაში იყვნენ საქართველოს მოქალაქეების მკვლელობებთან“, - განაცხადა „ევროპული საქართველოს“ წევრმა გიორგი კანდელაკმა.

მისივე თქმი, ივლისის შემდეგ სამი თვე გავიდა და მთავრობას ამ მიმართულებით არაფერი გაუკეთებია.

„ამავე დროს, ჩვენი საკითხების და ამ შემთხვევაში „ოთხოზორია - ტატუნაშვილის სიის“ ევროკავშირსა და რუსეთს შორის მაღალი დონის დღის წესრიგში, რუსეთისადმი წარდგენილი მოთხოვნების და სანქციების ნუსხაში ჩვენი „ოთხოზორია-ტატუნაშვილის სიის“ მოსახვედრად შექმნილი საერთაშორისო კონიუნქტურა ჩვენთვის ხელსაყრელია. ამ სიტუაციაში, მთავრობის პასიურობა დანაშაულის ტოლფასია,“ - განაცხადა გიორგი კანდელაკმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა