ორფოლოს პოლიგონზე დაღუპული ჯარისკაცის მამა - იზორიას ვთხოვთ, 1 კვირის ვადაში განიხილოს ჩემი შვილის საქმე, წინააღმდეგ შემთხვევაში ავტომაგისტრალს გადავკეტავთ
ვთხოვ ბატონ ლევან იზორიას, ერთი კვირის ვადაში ჩემი შვილის საქმე განიხილოს. წინააღმდეგ შემთხვევაში ცენტრალურ ავტომაგისტრალს გადავკეტავთ, - ამის შესახებ ორფოლოს პოლიგონზე დაღუპული, სამტრედიაში მცხოვრები ჯარისკაცის, მირზა ჩაჩუას მამამ, გია ჩაჩუამ პრესკონფერენციაზე განაცხადა.
ორფოლოს პოლიგონზე დაღუპული ჯარისკაცის მამა თავდაცვის სამინისტროს ექსპერტიზის დასკვნის გაყალბებაში ადანაშაულებს და ამბობს, რომ სამინისტრომ გარდაცვლილი ჯარისკაცის ექსპერტიზის დასკვნა იმის გამო გააყალბა, რომ აგვისტოს ომის მონაწილის ოჯახისათვის კომპენსაცია არ გადაეხადათ.
გია ჩაჩუა საქმის ობიექტურად გამოუძიებლობის შემთხვევაში, სამტრედიის მუნიციპალიტეტში არჩევნების ჩაშლითაც იმუქრება.
„ვთხოვ ბატონ იზორიას, ერთი კვირის ვადაში ჩემი შვილის საქმე განიხილოს. წინააღმდეგ შემთხვევაში, მივმართავთ ავტომაგისტრალის გადაკეტვას და შიმშილობას დავიწყებთ მესამე ბატალიონის წინ. პრეზიდენტის არჩევნები ახლოვდება და არჩევნები არ ჩატარდება სამტრედიის რაიონში საერთოდ,“ - განაცხადა მირზა ჩაჩუას მამამ, გია ჩაჩუამ.
v-if="article.gallery" v-html="article.gallery"
