საფრანგეთში, ნორის დეპარტამენტის გრანდ-სენტის კომუნაში ანტიტერორისტული ოპერაციის ფარგლებში 11 ადამიანი დააკავეს. ამის შესახებ რადიოსადგური RTL იუწყება.
ანტიტერორისტული ოპერაცია, რომელშიც 200-მდე პოლიციელი მონაწილეობს, მუსლიმური ორგანიზაციის შტაბ-ბინაში ადგილობრივი დროით 06:00 საათზე დაიწყო.
პოლიციის განცხადებით, ჩხრეკა ტარდება ორგანიზაციის წამყვანი ხელმძღვანელების სახლებშიც.
აღსანიშნავია, რომ ანტიტერორისტული ოპერაცია ჯერ არ დასრულებულა.