ირაკლი კობახიძე - საქართველოში ნებისმიერი ადამიანის დაკითხვა შეიძლება - ეს არის ცვლილება 2012 წლის შემდეგ

„ჯერ კეთილი ინებონ ჩანაწერის ავტორებმა და მიაწოდონ ინფორმაცია სამართალდამცავ ორგანოებს, თუ რამე ნიშანწყალი გამოიკვეთება და ამის რომ ეშინიათ, სავარაუდოდ, მაგიტომ ვერ აძლევენ ინფორმაციას სამართალდამცავ ორგანოებს“, -ამის შესახებ საქართველოს პარლამენტის თავმჯდომარემ, „ომეგა ჯგუფის“ საქმესთან დაკავშირებით გავრცელებულ ჩანაწერებზე საუბრისას განაცხადა.

სამაუწყებლო კომპანია „რუსთავი 2“-ის პირდაპირ ეთერში, ირაკლი კობახიძემ აღნიშნა, რომ ჩანაწერებში უამრავი კომიკური ფაქტი იყო.

“ორი კაცი როცა წერს რაღაცას, ჯერ იმათგან უნდა გაარკვიო, რამე ხდება თუ არა ამ შემთხვევაში. ჯერ გავიგოთ კაცო ოქუაშვილისგან და ყიფიანისგან, რამე ხდება საერთოდ?

არანაირი მტკიცებულების ნიშანიც კი არ არსებობს იმასთან დაკავშირებით, რომ რაიმე ზეწოლას ჰქონდა ადგილი. ჯერ კეთილი ინებონ ამ ადამიანებმა, ვინც არიან ავტორები ამ ჩანაწერის, ეს არიან ზაზა ოქუაშვილი და ლევან ყიფიანი. ჯერ კეთილი ინებონ და მიაწოდონ ინფორმაცია სამართალდამცავ ორგანოებს და თუ რამე ნიშანწყალი გამოიკვეთება და ამის რომ ეშინიათ სავარაუდოდ მაგიტომ ვერ აძლევენ ინფორმაციას სამართალდამცავ ორგანოებს. უამრავი კომიკური ფაქტი იყო ამ ჩანაწერებში, მაგალითად ოქუაშვილი საუბრობდა იმაზე, რომ ზაფხულში იყო გადაღებული და ეცვა იმსისქე დუბლიონკა, რომ ზაფხულში ნამდვილად ვერ ჩაიცვამ. უამრავი კომიკური ფაქტია ამ ყველაფერში. ჯერ პროკურატურამ უნდა დაადგინოს, რომ რამე შეხება აქვს თუ არა სერიოზულობასთან ამ ჩანაწერებს”,- განაცხადა ირაკლი კობახიძემ.

პარლამენტის თავმჯდომარის თქმით, როგორც კი სერიოზულობის ნიშანი გამოიკვეთება, კონკრეტულ საქმეში, მაშინვე იკითხება ყველა ფიგურანტი, მაგრამ, მისივე შეფასებით, დღეს ეს ნიშნები არ არის გამოკვეთილი. ირაკლი კობახიძის განცხადებით, საქართველოში ნებისმიერი ადამიანის დაკითხვა შეიძლება და ეს არის ცვლილება 2012 წლის შემდეგ.

„ყველა საქმეში ასე ხდება - როგორც კი სერიოზულობის ნიშანი გამოიკვეთება კონკრეტულ საქმეში მაშინვე იკითხება უკვე ყველა ფიგურანტი. მაგრამ, დღეს ეს ნიშნები არ არის გამოკვეთილი. თუ გამოიკვეთება და კეთილი ინებონ ოქუაშვილმა და ყიფიანმა მივიდნენ და აჩვენონ პროკურატუარას, სერიოზულობის პატარა ნიშანი მაინც აქვს ამ საქმეს. როგორც კი გამოიკვეთება მაშინვე შეიძლება ვისაუბროთ სხვა მოქმედებებზე. ნებისმიერი ადამიანის დაკითხვა შეიძლება საქართველოში. ეს არის ცვლილება 2012 წლის შემდეგ. თქვენ გახსოვთ, რომ სანდრო გირგვლიანი ამ ადამიანებმა, „ნაციონალური მოძრაობის“ წარმომადგენლებმა ისე მოკლეს, რომ ბოლომდე დააფარეს ხელი მკვლელებს. ეს ჩავაბარეთ ჩვენ წარსულს. ყველა ადამიანი ექვემდებარება სამართალდამცავ სისტემას, ნებისმიერი ადამიანი განურჩევლად სტატუსისა და სხვადასხვა მდგომარეობებისა, დღეს ეს არის მთავარი მიღწევა. 2012 წლამდე იყო სხვა ვითარება, კუდის დეპარტამენტის უფროსს შეეძლო მოეკლა კაცი და მას არ ეხებოდა სამართალდამცავი სისტემა, ეს ჩვენ ჩავაბარეთ წარსულს”,- განაცხადა ირაკლი კობახიძემ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება