დავით ზალკალიანი - მაია ოთინაშვილის დაკავებაზე კომუნიკაციის რეჟიმში ვართ როგორც ევროკავშირის მისიასთან, ისე ჟენევის თანათავმჯდომარეებთან

საქართველოს მოქალაქეების გატაცება კატეგორიულად მიუღებელია, - ამის შესახებ საგარეო საქმეთა მინისტრმა დავით ზალკალიანმა საკითხის კომენტირებისას განაცხადა.

მინისტრი ასევე გამოეხმაურა ე.წ. მესაზღვრეების მიერ დაკავებული მაია ოთინაშვილის საკითხს და აღნიშნა, რომ ამ თემაზე აქტიური კომუნიკაცია მიმდინარეობს ყველა საერთაშორისო პარტნიორთან.

„მოგეხსენებათ, ეს ფაქტები კატეგორიულად მიუღებელია და ჩვენ აქტიურად ვურთიერთობთ ამ საკითხზე ყველა საერთაშორისო პარტნიორთან. უკვე ინფორმირებული არიან ჟენევის თანათავმჯდომარეები, ისევე როგორც სადამკვირვებლო მისია. სახელმწიფო მინისტრის აპარატი 24- საათიან რეჟიმში არის ჩართული ამ პროცესში.

ურთიერთგამომრიცხავი ინფორმაციები ვრცელდება შესაძლო გათავისუფლებასთან და შესაძლო პატიმრობასთან მიმართებაში. ჩვენ ვართ კომუნიკაციის რეჟიმში როგორც ევროკავშირის მისიასთან, ისე ჟენევის თანათავმჯდომარეებთან და ეს საკითხი იქნება ძალიან აქტიურად განხილული ჟენევის მომდევნო რაუნდზე, რომელიც მომავალ კვირაში იგეგმება. ჩვენი დელეგაცია ამ საკითხს ძალიან აქტიურად დააყენებს და მოვითხოვთ, როგორც საერთაშორისო თანამეგობრობის მხრიდან და იმ ძალისგან, რომელიც ახორციელებს ეფექტურ კონტროლს ამ ტერიტორიაზე, რომ მოხდეს ჩვენი მოქალაქის დაუყოვნებლივ გათავისუფლება“, - განაცხადა დავით ზალკალიანმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა