ნობელის პრემიის ლაურეატები ქიმიის დარგში ამერიკელები ფრენსის არნოლდი, ჯორჯ სმიტი და ბრიტანელი გრეგორი უინთერი გახდნენ. ინფორმაციას ამის შესახებ ნობელის კომიტეტის ოფიციალური ვებგვერდი ავრცელებს.
გადაწყვეტილების შესახებ მეცნიერებს ნობელის კომიტეტის გენერალურმა მდივანმა თომას პერლმანმა აცნობა.
არნოლდმა, სმიტმა და უინთერმა მიიღეს ჯილდო „ქიმიური მოლეკულების მიმართული ევოლუციის სფეროში მუშაობისთვის, რაც ახალი სამკურნალო პრეპარატების შექმნისთვის გამოიყენება“.
ნობელის პრემიის ლაურეატების დაჯილდოების ცერემონია ტრადიციულად, სტოკჰოლმში, 10 დეკემბერს გაიმართება. წელს პრემიის ოდენობა 940 ათას აშშ დოლარს შეადგენს.