ქუთაისის #59-ე საოლქო კომისიამ არჩევნების დღეს დაწერილი საჩივრების განხილვა დაასრულა. კომისიის გადაწყვეტილებით, საჩივრებიდან 3 დაკმაყოფილდა, 31 საჩივარი კი - არა. ნაწილობრივ დაკმაყოფილდა 1. საია-მ მის მიერ დაწერილი 3 საჩივარი უკან გაითხოვა. საჩივრებიდან ყველაზე მეტი საია-ს და „ნაციონალურ მოძრაობას“ ეკუთვნოდა. ყველა საჩივარი პროცედურულ დარღვევებზე იყო.

რაც შეეხება არჩევნების მეორე დღეს დაწერილ 9 საჩივარს, კომისიის თავმჯდომარის, ავთანდილ ოსეფაიშვილის განცხადებით, მათი განხილვა დღეს მოხდება.