უკრაინის გენერალურმა პროკურორმა იური ლუცენკომ განაცხადა, რომ თანამდებობას ტოვებს. ამის შესახებ ლუცენკომ პარლამენტში სიტყვით გამოსვლისას განაცხადა.

„ვინმეს ეჭვი რომ არ შეეპაროს იმაში, რომ ვინმე ძალაუფლებას ებღაუჭება, მე დღეს პრეზიდენტს გადადგომის შესახებ განცხადებას გადავცემ. თქვენ პარლამენტში უნდა განიხილოთ ეს საკითხი. თხოვნა მექნება ეს ამ კვირას გააკეთოთ. მე ჩემი სამუშაო გავაკეთე და მომავალშიც გავაკეთებ“, - აღნიშნა უკრაინის გენერალურმა პროკურორმა.

იური ლუცენკომ ასევე განაცხადა, რომ „ვერ დაუშვებს იმ სიტუაციას, როდესაც სამართალდამცავ სისტემას მტკიცებულებების გარეშე ანადგურებენ თუნდაც გახსნილი დანაშაულებებისთვის“.