დავით დონდუამ ეუთო-ს გენერალურ მდივანს რწმუნებათა სიგელი გადასცა

ევროპაში უსაფრთხოებისა და თანამშრომლობის ორგანიზაციასა (ეუთო) და ვენაში განლაგებულ სხვა საერთაშორისო ორგანიზაციებში საქართველოს მუდმივმა წარმომადგენლმა, დავით დონდუამ ეუთო-ს გენერალურ მდივანს, ტომას გრემინგერს რწმუნებათა სიგელი გადასცა.

როგორც „ინტერპრესნიუსს“ საგარეო საქმეთა სამინისტროდან აცნობეს, ცერემონიალის შემდეგ გამართულ შეხვედრაზე, მხარეებმა ისაუბრეს საქართველოსა და ეუთო-ს შორის სხვადასხვა მიმართულებით არსებული თანამშრომლობის აქტუალურ საკითხებზე.

ქართულმა მხარემ ხაზი გაუსვა ეუთო-ს მნიშვნელობას ევროპაში მშვიდობის, უსაფრთხოებისა და სტაბილურობის უზრუნველსაყოფად და მიესალმა გენერალური მდივნის ნაბიჯებს, მიმართულს ორგანიზაციის ეფექტურობის გაზრდისა და არსებული გამოწვევების დაძლევისკენ. დავით დონდუამ ტომას გრემინგერს დაუდასტურა ქართული მხარის სრული მხარდაჭერა ამ პროცესში.

შეხვედრის ბოლოს, მხარები შეთანხმდნენ განაგრძონ მჭიდრო თანამშრომლობა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო