მოსახლეობას ვპირდებით, რომ ყველა მათი მოთხოვნა მაქსიმალურად იქნება გათვალისწინებული, - ამის შესახებ თბილისის საკრებულოს უმრავლესობის დეპუტატმა დავით უთმელიძემ პარტია „ქართული ოცნება - დემოკრატიული საქართველოს“ ცენტრალურ ოფისში განუცხადა, სადაც არჩევნების მეორე ტურთან დაკავშირებით პარტიის ხელმძღვანელობა კონსულტაციებს მართავს.
როგორც უთმელიძემ განაცხადა, მოსახლეობასთან ინტენსიური შეხვედრები არჩევნების მეორე ტურის წინ უკვე დაწყებულია.
„ქართული ოცნების“ შტაბში ინტენსიურად, ყოველდღიურ რეჟიმში გრძელდება შეხვედრები, რომელშიც ჩართულები არიან როგორც პარლამენტის, ასევე თვითმმართველობების მაჟორიტარი დეპუტატები. დაწყებულია ადგილებზე მოსახლეობასთან ინტენსიური შეხვედრები, მათი პრობლემებს მოსმენა და გაანალიზება. ჩვენს მოსახლეობას ვპირდებით, რომ ყველა მათი მოთხოვნა მაქსიმალურად იქნება გათვალისწინებული. ასევე, გათვალისწინებული იქნება ის შეცდომები, რაზეც მოსახლეობა მიგვითითებს. მზაობა გვაქვს მეორე ტურისთვის და მობილიზებულები ვართ, რომ გავიმარჯვოთ“, - განაცხადა უთმელიძემ.