პაციენტების მდგომარეობა სტაბილურად მძიმეა, - ამის შესახებ ჟურნალისტებს დამწვრობის ცენტრში, ჯანდაცვის მინისტრის მოადგილე ზაზა ბოხუამ განუცხადა.

"შემთხვევის შედეგად დაწესებულებაში მოთავსებულია სამი პაციენტი: ბაბუა, მამა და შვილი. სტაბილურად მძიმე მდგომარეობაა. მიმდინარეობს კვლევები დამწვრობის გარდა, პოლიტრავმა და მრავლობითი დაზიანებები რომ გამოირიცხოს. მათი მდგომარეობა სტაბილურია. სათანადო დიაგნოსტიკა და მკურნალობა ჩაუტარდებათ", - განაცხადა ჯანდაცვის მინისტრის მოადგილემ.

ზაზა ბოხუამ ფონიჭალაში სავარაუდოდ, გაზის აფეთქების შედეგად დაშავებული სამი პაციენტი მოინახულა. კლინიკაში იმყოფებოდა პრეზიდენტობის კანდიდატი სალომე ზურაბიშვილიც.