დამწვრობის ცენტრში ფონიჭალაში, გაზის აფეთქების შედეგად დაშავებულების ახლობლები იმყოფებიან

დამწვრობის ცენტრში ფონიჭალაში, გაზის აფეთქების შედეგად დაშავებული მამედოვების ახლობლები იმყოფებიან.

ოჯახის ერთ-ერთი ახლობელი ცუდად გახდა და მას დახმარება ადგილზე აღმოუჩინეს.

როგორც ერთ-ერთი დაშავებულის, 24 წლის ახალგაზრდის სიმამრმა ნამაზ იბრაგიმოვმა განაცხადა, მომხდარის დეტალები მათთვის უცნობია. შემთხვევის შესახებ კლინიკიდან შეიტყვეს და დამწვრობის ცენტრში მოვიდნენ.

„მომხდარის შესახებ არაფერი ვიცით. კლინიკიდან შეგვატყობინეს. ტელეფონში ჩვენი ნომერი იყო დაფიქსირებული და დაგვირეკეს. ჩემი შვილი, ბავშვის დედა აზერბაიჯანშია და შემთხვევის შესახებ მას უკვე შევატყობინეთ", - განაცხადა იბრაგიმოვმა.

ზემო ფონიჭალაში, ერთ-ერთ კორპუსში სავარაუდოდ, ბუნებრივი აირის აფეთქების შედეგად სამი ადამიანი დაშავდა. დამწვრობის ცენტრის რეანიმაციულ განყოფილებაში იმყოფებიან: 44 წლის მამაკაცი, მისი 24 წლის შვილი და 6 წლის შვილიშვილი.

მაშველები ამ დრომდე ეძებენ დედა-შვილს, რომელიც სავარაუდოდ, ნანგრევებშია მოყოლილი.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს