ფონიჭალაში, აფეთქების შედეგად დაზიანებულ საცხოვრებელ კორპუსთან ექსპერტებს ელოდებიან

ფონიჭალაში, სავარაუდოდ, გაზის აფეთქების შედეგად დაზიანებულ საცხოვრებელ კორპუსთან ექსპერტების მისვლას ელოდებიან. ადგილზე იმყოფებიან კორპუსის მცხოვრებლები და მათი ახლობლები, თუმცა მათ შენობაში შესვლის საშუალება უსაფრთხოების ზომებიდან გამომდინარე არ ეძლევათ.

ადგილობრივები აცხადებენ, რომ დროულად უნდა დადგინდეს, რამდენად ვარგისია 23-ე კორპუსი საცხოვრებლად.

კრწანისის რაიონის გამგებლის მოადგილის, არჩილ ჩარგიშვილის თქმით, კორპუსში მცხოვრებლები დროებით სასტუმროებში არიან დაბინავებული.

„კონსტრუქტორები წყვეტენ, როგორი სახით უნდა წავიდეს შემდეგი სამუშაოები. პირველადი შედეგი არის ის, რომ დიდი კონსტრუქციებია დაზიანებული. ფუნდამენტი აუცილებლად უნდა გამაგრდეს, თუმცა ჯერ უნდა მოხდეს შესწავლა“, - განაცხადა არჩილ ჩარგიშვილმა.

15 ნოემბერს, ფონიჭალაში, ერთ-ერთ კორპუსში, სავარაუდოდ, ბუნებრივი აირი აფეთქდა. უბედურ შემთხვევას ემსხვერპლა ახალგაზრდა ქალი და მის შვილი. მაშველებმა დედა-შვილი რამდენიმე საათიანი ძებნის შედეგად ნანგრევების ქვეშ იპოვნეს.

აფეთქების შედეგად დაშავდა ერთი ოჯახის სამი წევრი. დამწვრობის ცენტრის რეანიმაციულ განყოფილებაში იმყოფებიან: 44 წლის მამაკაცი, მისი 24 წლის შვილი და 6 წლის შვილიშვილი.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება