ზემო ფონიჭალაში, 23-ე კორპუსში ექსპერტ-კრიმინალისტები ამ დრომდე მუშაობენ. ადგილზე იმყოფება საექსპერტო კრიმინალისტური სამსახურის რამდენიმე ჯფუფი და საგანგებო სიტუაციების მართვის სამსახურის ერთი ჯგუფი.

კორპუსთან ასევე იმყოფებიან აფეთქების შედეგად დაზარალებულებიც, რომლებიც ბინებში შესვლას ელოდებიან, რომ საკუთარი ნივთების გამოიტანონ.

15 ნოემბერს, ფონიჭალაში, ერთ-ერთ კორპუსში, სავარაუდოდ, ბუნებრივი აირი აფეთქდა. უბედურ შემთხვევას ემსხვერპლა ახალგაზრდა ქალი და მის შვილი. მაშველებმა დედა-შვილი რამდენიმე საათიანი ძებნის შედეგად ნანგრევების ქვეშ იპოვნეს.

აფეთქების შედეგად დაშავდა ერთი ოჯახის სამი წევრი. დამწვრობის ცენტრის რეანიმაციულ განყოფილებაში იმყოფებიან: 44 წლის მამაკაცი, მისი 24 წლის შვილი და 6 წლის შვილიშვილი.