ბაღდათის რაიონში სოფელ მეორე ობჩაში მამაკაცი ჭის თხრილში ჩავარდა. ორმოში ჩავარდნის შემდეგ ის მიწის მასამ დაფარა.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ამ ეტაპზე უცნობია ცოცხალია თუ არა მამაკაცი. მათივე ინფორმაციით, ადგილზე მობილიზებულნი არიან როგორც მაშველები, ისე მძიმე ტექნიკა და მიმდინარეობს მამაკაცის ორმოდან ამოყვანის სამუშაოები.