ქუთაისის #59–ე საოლქო კომისიამ არჩევნების დღეს დაწერილი 12 საჩივარი განიხილა.

არჩევნების დღეს სულ 17 საჩივარი დაიწერა, მათგან 5 ადმინისტრაციული იყო და ის განსახილველად დაეწერა უშუალოდ კომისიის თავმჯდომარეს, რომელიც მათ ერთი თვის ვადაში განიხილავს.

#59-ე საოლქო კომისიის თავმჯდომარის ავთანდილ ოსეფაიშვილის განცხადებით, წარმოდგენილი საჩივრებიდან 7 არ დაკმაყოფილდა, ორი სრულად დაკმაყოფილდა, ორი ნაწილობრივ, რაც გაფრთხილებას და შენიშვნას გულისხმობს. ერთი საჩივრის განხილვა გადაიდო.

კომისიის თავმჯდომარე ასევე გამოეხმაურა „ნაციონალური მოძრაობის“ წევრის მიერ სხდომის დატოვებას. მისი თქმით, ეს არ იყო პროტესტი, რადგან ნებისმიერ ადამიანს შეუძლია სხდომა მაშინ დატოვოს, როცა თავად გადაწყვეტს. ოსეფაიშვილის განცხადებთ, ბრალდებას ვერ მიიღებს, რადგან საჩივრები არ არის იმ შინაარსის, რომ ამის გამო ვინმე დაჯარიმდეს.

არჩევნების შემდგომ დაწერილი საჩივრების განხილვა ხვალ გაგრძელდება.