გიორგი ლომია - „პატრიოტთა ალიანსი“ იძულებული იყო მხარი დაეჭირა სალომე ზურაბიშვილისთვის, ვინაიდან მისი ერთადერთი კონკურენტი „ნაციონალური მოძრაობის“ წევრი იყო

იმ პერიოდში სხვა არჩევანი არ გვქონდა, ახლა მოვკითხოთ „ოცნებას“, რატომ დაგვაყენა ასეთი არჩევანის წინაშე. ეს არის “ოცნების“ ბრალი, - ამის შესახებ ფრაქცია „საქართველოს პატრიოტების“ თავმჯდომარემ, გიორგი ლომიამ „პალიტრანიუსის“ გადაცემაში „360 გრადუსი“ განაცხადა. მისი თქმით, „პატრიოტთა ალიანსი“ იძულებული იყო მხარი დაეჭირა სალომე ზურაბიშვილისთვის, ვინაიდან მისი ერთადერთი კონკურენტი, „ნაციონალური მოძრაობის“ წევრი იყო.

ლომიამ განმარტა, თუ რატომ არ ჰყავდა „პატრიოტთა ალიანსს“ საპრეზიდენტო კანდიდატი. პარტიის ერთ-ერთი ლიდერის თქმით, ამ შემთხვევაში „პატრიოტთა ალიანსის“ და ზურაბიშვილის ხმები გაიყოფოდა და „ნაციონალური მორაობის“ კანდიდატი გამარჯვებას მოიპოვებდა.

„მე ყოველთვის ვეტყვი ხალხს, რომ იმ პერიოდში სხვა არჩევანი არ გვქონდა, ახლა მოვკითხოთ „ოცნებას“, რატომ დაგვაყენა ასეთი არჩევანის წინაშე. ეს არის “ოცნების“ ბრალი! ამას ვუპასუხებ ნებისმიერ ადამიანს, თუ სამომავლოდ დააშავებს ქალბატონი სალომე ან არ დააშავებს და ამას ვინმე ჩვენ დაგვაყვედრის“, - განაცხადა გიორგი ლომიამ.