დავით ზალკალიანი ეუთო-ს გენერალურ მდივანს შეხვდა

ეუთო-ს მინისტრთა საბჭოს 25-ე სხდომის ფარგლებში საქართველოს საგარეო საქმეთა მინისტრმა დავით ზალკალინმა შეხვედრა გამართა ეუთო-ს გენერალურ მდივანთან ტომას გრემინგერთან.

როგორც „ინტრეპრესნიუსს“ საგარეო საქმეთა სამინისტროდან აცნობეს, შეხვედრაზე საუბარი ეუთო-სთან თანამშრომლობის საკითხებს შეეხო და განსაკუთრებული ყურადღება დაეთმო რუსეთ-საქართველოს კონფლიქტს და მისი მშვიდობიანი დარეგულირების პროცესში ეუთო-ს ჩართულობის მნიშვნელობასა და ორგანიზაციის როლის გაზრდას.

მათივე ინფორმაციით, აღინიშნა საქართველოს ოკუპირებულ რეგიონებში არსებული რთული ჰუმანიტარული ვითარება და უსაფრთხოების გარემო, ადამიანის უფლებების უხეში ხელყოფის ფაქტები, კიდევ ერთხელ გაესვა ხაზი ადგილზე საერთაშორისო სადამკვირვებლო, მათ შორის ეუთო-ს მექანიზმების დაშვების აუცილებლობას.

„მხარეებმა კიდევ ერთხელ გამოხატეს ჟენევის საერთაშორისო დისკუსიების ფორმატისადმი მხარდაჭერა და აღნიშნეს ამ პროცესში ეუთო-ს მონაწილეობის მნიშვნელობა, ისევე როგორც ინციდენტების პრევენციისა და მათზე რეაგირების მექანიზმის როლსა და მისი მუშაობის განახლების აუცილებლობას.

შეხვედრაზე ხაზი გაესვა ქართული მხარის აქტიურ თანამშრომლობას ეუთო-ს დამოუკიდებელ ინსტიტუტებთან.

ეუთო-ს გენერალურმა მდივანმა ქართულ მხარეს მიულოცა საპრეზიდენტო არჩევნების ჩატარება და ახალი პრეზიდენტის არჩევა, თავის მხრივ ქართულმა მხარემ აღნიშნა ODIHR-ის სადამკვირვებლო მისიის როლი და საქმიანობა და განაცხადა, რომ საქართველოს ხელისუფლება მზადაა გაითვალისწინოს ყველა ის რეკომენდაცია, რაც საერთაშორისო დამკვირვებლების მიერ იქნა გაცემული.

შეხვედრის დასასრულს მხარეები შეთანხმდნენ, რომ გააგრძელებენ აქტიურ თანამშრომლობას“, - აღნიშნულია ინფორმაციაში.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა