პრეზიდენტის ინაუგურაციისთვის თელავში, ერეკლე მეფის სასახლის ტერიტორიაზე სცენის მონტაჟი მიმდინარეობს

არჩეული რიგით მე- 5 პრეზიდენტის ინაუგურაციისთვის, ერეკლე მეფის სასახლის მიმდებარე ტერიტორიაზე სამუშაოები აქტიურად მიმდინარეობს.

დილიდან სახლ-მუზეუმის ეზოში ტრიბუნის მონტაჟი და სასახლის ეზოს კეთილმოწყობა მიმდინარეობს.

როგორც ერეკლე მეფის სახლ-მუზეუმის დირექტორმა გურამ ურჩუხიშვილმა „ინტერპრესნიუსთან“ საუბრისას განაცხადა, ინაუგურაციის ღონისძიებისთვის მზადება აქტიურად მიმდინარეობს და სამუშაოები 16 დეკემბრამდე თავისუფლად მოესწრება.

„ახლა ეზოში და მწვანე კოინდარზე დაიგება ფიცარნაგი, კეთდება ტრიბუნები იარუსებად, სადაც ალბათ, სტუმრები განთავსდებიან. ამის შემდეგ მოეწყობა სცენა, სადაც ფიცის დადების ცერემონია გაიმართება. სასახლის აღმოსავლეთი ნაწილი და ეკლესიის მიმდებარე ტერიტორია იქნება ღონისძიების ეპიცენტრი. ეს ყველაფერი თავისუფლად მოესწრება. 1000-1200 სტუმარს ელოდებიან. ის რაოდენობა, რაც განსაზღვრულია, ყველა დაეტევა", - განაცხადა ურჩუხიშვილმა.

როგორც ცნობილია, სალომე ზურაბიშვილი ფიცს მე- 17 საუკნის სასახლის ეზოში მდებარე ეკლესიის წინ დადებს. ასევე გაიმართება აღლუმი და ჰიმნი. ღონისძიებაზე დაგეგმილია კახური მრავალჟამიერის შესრულებაც.

16 დეკემბერს ახლად არჩეული პრეზიდენტის ინაუგურაცია 15:00 საათზე დაიწყება და 40 წუთის განმავლობაში გაგრძელდება, რის შემდეგაც, პრეზიდენტი ზურაბიშვილი მოწვეულ სტუმრებთან ერთად წინანდალში, საზეიმო მიღებაზე გადაინაცვლებს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს