ნინო ლომჯარია - ზუგდიდის მე-6 სკოლის დირექტორის საქმეში საუბარია საარჩევნო მიზნებით ზეწოლაზე, რომლის შესწავლაც ჩვენთვის პრიორიტეტული იქნება
ამ საქმეში საუბარია საარჩევნო მიზნებით ზეწოლასა და ადმინისტრაციული რესურსის გამოყენებაზე, - ამის შესახებ სახალხო დამცველმა ნინო ლომჯარიამ ზუგდიდის მე-6 საჯარო სკოლის დირექტორის გარდაცვალების საქმესთან დაკავშირებით განაცხადა.
მისი თქმით, სახალხო დამცველის აპარატი ამ საქმის ყველა გარემოებას შეისწავლის და შესაბამისი დასკვნა ექნება.
"ჩვენ გადავწყვიტეთ, რომ აღნიშნული ფაქტი მისი მნიშვნელობიდან გამომდინარე, არამხოლოდ დისკრიმინაციულ ჭრილში, არამედ ყოველმხრივად შევისწავლოთ. აქ საუბარია საარჩევნო მიზნებით ზეწოლაზე, ასევე საუბარია ადმინისტრაციული რესურსის გამოყენებაზე. ამიტომ ყველა მხრიდან და მაქსიმალურად ამომწურავად შევისწავლით აღნიშნული ფაქტის გარშემო გარემოებებს. ჩვენ კომუნიკაცია გვაქვს ოჯახის წევრებთან და მას შემდეგ, რაც მათგან ყველა საჭირო ინფორმაციას მივიღებთ, შევისწავლით და გვექნება შესაბამისი დასკვნა. ია კერზაიას წერილში სავარაუდოდ, საუბარია პოლიტიკური მოტივით დისკრიმინაციის ნიშნის დადგენაზე. ჩვენ, პირველ რიგში, გარემოებები უნდა შევისწავლოთ და შემდეგ გამოიკვეთება, რა ნიშნით დისკრიმინაციაზე იყოს საუბარი. ამ ეტაპზე შემიძლია დაგიდასტუროთ, რომ ეს ერთ-ერთი პრიორიტეტული საქმეა სახალხო დამცველისთვის,"- განაცხადა ნინო ლომჯარიამ.
This is a modal window.
v-if="article.gallery" v-html="article.gallery"
