მამუკა ბახტაძე - თორნიკე რიჟვაძის განცხადება არასწორი ინტერპრეტაციის შედეგია , ის პასუხისმგებლობის მქონე პოლიტიკოსია

პრემიერ-მინისტრის მამუკა ბახტაძის განცხადებით, თორნიკე რიჟვაძე მაღალი პასუხისმგებლობის მქონე პოლიტიკოსია და თავისი კუთხისთვის 24 საათი მუშაობს. ამის შესახებ პრემიერ-მინისტრმა ჟურნალისტების იმ შეკითხვის საპასუხოდ განაცხადა, რომელიც თორნიკე რიჟვაძის განცხადებას უკავშირდება.

მამუკა ბახტაძის თქმით, მან აჭარის ავტონომიურის რესპუბლიკის თავმჯდომარის თორნიკე რიჟვაძის მიერ გაკეთებული განცხადების შესახებ არ იცის.

„მე კონტექსტი არ ვიცი, რაზეც საუბრობთ, მაგრამ დარწმუნებული ვარ, რომ თორნიკე რიჟვაძე მსგავს განცხადებას არასდროს გააკეთებდა. ის ძალიან პასუხისმგებლიანი პოლიტიკოსია და დამერწმუნეთ, ის 24 საათი მუშაობს თავისი კუთხისთვის. მიუხედავად იმისა, რომ სულ რამდენიმე თვეა ამ თანამდებობაზეა, მან აჭარასა და ბათუმს ძალიან მნიშვნელოვანი შედეგები მოუტანა. რაც შეეხება ამ კონტექსტს, მე ვფიქრობ, რომ ეს არასწორი ინტერპრეტაციის შედეგია“, - აღნიშნა მან.

აჭარის მთავრობის თავმჯდომარის თორნიკე რიჟვაძის განცხადებით, ის პირდაპირ იძიებს შურს, ვინც გაბედავს აჭარელი ხალხის ღირსების შეურაცხყოფას.

„ჩვენი ოპონენტების საქციელი, მათი განცხადებები უკვე ყოველგვარ ზღვარს სცდება. გუშინ თქვენ მოისმინეთ ქიქავებისა და სხვა ამ ტიპის სუბიექტების ყოვლად სამარცხვინო განცხადებები. ვაცხადებ, რომ პირადად ვიძიებ შურს ყველა ადამიანზე, რომელიც გაბედავს აჭარელი ხალხის ღირსების შეურაცხყოფას. ჩვენ მათ საკონტროლო დარტყმა გავუკეთეთ და პირობას ვდებ, რომ ამ პროცესს ბოლომდე მივიყვან და ყველა ეს ადამიანი ამ ველისგან გაიწმინდება“, -აღნიშნა თორნიკე რიჟვაძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა