განათლების რეფორმის ფარგლებში პროექტი „ჩაერთე რაგბიში“ განხორციელდება

ჯანსაღი ცხოვრების პოპულარიზაციისთვის, განათლების რეფორმის ფარგლებში, პროექტი „ჩაერთე რაგბიში“ განხორციელდება, რომელსაც „ახალი სკოლის მოდელი“ გულისხმობს.

როგორც „ინტერპრესნიუსს“ საქართველოს განათლების, მეცნიერების, კულტურისა და სპორტის სამინისტროდან აცნობეს, ამ მიმართულებით, 150-ე საპილოტე სკოლაში აქტივობები ერთი სემესტრის განმავლობაში მიმდინარეობდა.

უწყების ინფორმაციით, რეფორმის ეს მიმართულება სპორტის მუდმივ, გრძელვადიან ჩართულობას გულისხმობს სასკოლო ცხოვრებაში და ჯანსაღი ცხოვრების პოპულარიზაციას ემსახურება. ერთიან პროექტზე მუშაობა აქტიურად მიმდინარეობს, თუმცა ცალკეული მიმართულებები საპილოტე სკოლებში უკვე ინერგება.

მათივე ინფორმაციით, პროექტის პილოტირება სკოლაში 2018 წლის სექტემბერში დაიწყო და მასში I-IV კლასების ყველა მოსწავლე და პედაგოგი იყო ჩართული.

მოსწავლეები სახალისო და უსაფრთხო ვარჯიში-თამაშებში იღებდნენ აქტიურ მონაწილეობას. საპოლოტე პროექტი განათლების, მეცნიერების, კულტურისა და სპორტის სამინისტროსა და საქართველოს რაგბის კავშირის თანამშრომლობით განხორციელდა და ჯანსაღი ცხოვრების პოპულარიზაციას, სასკოლო კულტურის განვითარებას და სწავლა-სწავლების პროცესის გამრავალფეროვნებას ისახავდა მიზნად. პროექტის დასასრულს, სკოლაში შიდა სასკოლო სპორტული ფესტივალი გაიმართა, რომლის ფარგლებშიც, თამაშებში სკოლის მოსწავლეებთან ერთად, პედაგოგები და მშობლებიც მონაწილეობდნენ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა