არ მახსენდება, რომ როდესმე საქართველოს ხელისუფლებას ინაუგურაციაზე ან სხვა ოფიციალურ მიღება-ღონისძიებაზე კრიტიკული პოზიციის მქონე ადამიანები მიეწვიოს, ხვალინდელი ინაუგურაცია, ამ მხრივ, გამონაკლისია, - ასე გამოეხმაურა ინაუგურაციის სტუმრების სიას ექსპერტი ხათუნა ლაგაზიძე სოციალურ ქსელში. მისი თქმით, ინაუგურაციაზე სალომე ზურაბიშვილის კრიტიკოსების დასწრება, სწორედ რომ მისი ლეგიტიმურობის აღიარებაა.

„არ მახსენდება, რომ როდესმე საქართველოს ხელისუფლებას ინაუგურაციაზე ან სხვა ოფიციალურ მიღება-ღონისძიებაზე კრიტიკული პოზიციის მქონე ადამიანები მიეწვიოს. ხვალინდელი ინაუგურაცია ამ მხრივ გამონაკლისია და ვინც მასზე კრიტიკულად განწყობილები მიიწვია, მინდა გითხრათ, რომ ძალიან გონივრული გადაწყვეტილება მიიღო. იმ პირობებში, როცა "გაერთიანებული ოპოზიცია" ხვალ საპროტესტო აქციას გეგმავს და ზურაბიშვილის ლეგიტიმაციას არ აღიარებს, ინაუგურაციაზე სალომე ზურაბიშვილის კრიტიკოსების დასწრება, სწორედ რომ მისი ლეგიტიმურობის აღიარება. :) ასე, რომ ვაღიარებ ამ გადაწყვეტილების ავტორის გონიერებას და მივესალმები თავად გადაწყვეტილებას“, - აცხადებს ლაგაზიძე.