ველოდები დღეს სამართლიანი სასამართლოს კანონიერ გადაწყვეტილებას, სადაც უდანაშაულოდ ვიქნები აღიარებული, - ამის შესახებ ჟურნალისტებს პროცესის დაწყებამდე შინაგან საქმეთა სამინისტროს პრესსამსახურის ყოფილმა უფროსმა, ბრალდებულმა გურამ დონაძემ განუცხადა.
როგორც ის აღნიშნავს, ბუტა რობაქიძის ოჯახმა უნდა დაასრულოს აღნიშნული თემით სპეკულირება.
"ორი რაღაც უნდა დასრულდეს დღეს - ეს არის სპეკულაცია უბედური ტყვიით და შემთხვევით გარდაცვლილი ადამიანით. უნდა დაასრულოს მისმა ოჯახის წევრებმა სპეკულაცია, პოლიტიკური ვაჭრობა ამ თემით. უნდა დასრულდეს ამ ქვეყანაში განსხვავებული აზრის მქონე ადამინების უდანაშაულოდ ციხეში ჩასმა. მე ველოდები დღეს სამართლიანი სასამართლოს კანონიერ გადაწყვეტილებას, სადაც უდანაშაულოდ ვიქნები აღიარებული, რადგან დაჭრილი ამირან რობაქიძე მე არ გამიცოცხლებია, იარაღები, რომლებიც იქ ჩანს, მე არ მიმიტანია და არ არსებობს არცერთი მოწმე, რომელსაც აქვს ნათქვამი სასამართლოში, რომ ჩემი რაიმე უკანონო დავალება აქვს შესრულებული შემთხვევის ადგილზე", -განაცხადა დონაძემ.
რობაქიძის მკვლელობის საქმეზე დღეს განაჩენი უნდა გამოცხადდეს.
