ირაკლი კობახიძე რომან გოცირიძეს - ეს მემკვიდრეობა თქვენგან მივიღეთ,  პარლამენტში უმძიმესი საკადრო პოლიტიკა იყო

პარლამენტში იყო უმძიმესი საკადრო პოლიტიკა, რამაც მოიტანა უმძიმესი შედეგები, - ამ სიტყვებით მიმართა პარლამენტის თავმჯდომარემ, ირაკლი კობახიძემ ფრაქცია „ნაციონალური მოძრაობის“ თავმჯდომარეს, რომან გოცირიძეს. საქმე შეეხება ხაზინადართა საბჭოს გადაწყვეტილებებს, რომელზეც კობახიძის თქმით, მუშაობა უკვე დაწყებულია.

„ეს შეფასება უკვე გაკეთებულია აპარატის მხრიდან. ეს არის მემკვიდრეობა, რომელიც თქვენგან მივიღეთ. პარლამენტში იყო უმძიმესი საკადრო პოლიტიკა, რამაც მოიტანა უმძიმესი შედეგები და ერთ-ერთია ეს, იმისთვის, რომ შეივსოს ხარვეზი, განსაკუთრებით კომიტეტების თავმჯდომარეებს უწევთ მიმართონ ამ ხერხს. ეს არის თქვენი მემკვიდრეობა და ამაზე მუშაობა დაწყებულია. ეს პრობლემა აუცილებლად მოგვარდება“, - მიმართა კობახიძემ გოცირიძეს.

რომან გოცირიძის თქმით, ფრაქცია „ნაციონალური მოძრაობა“ ამ საკითხზე აუდიტის ჩატარებას მოითხოვს.

„ხაზინადართა საბჭოს გადაწყვეტილებას რაც შეეხება, გადაწყვეტილება მიღებული იქნა დაუსწრებლად. აქ საუბარია ოთხი მოწვეული სპეციალისტის შტატის დამატებაზე, ეს პრაქტიკა გრძელდება ყოველი სხდომის დღეს. ამ ორი წლის განმავლობაში ვერა და ვერ დაედგა თავი ამ საკითხს, მითუმეტეს, რომ მსგავსი პოზიცია აქვს არა მხოლოდ ოპოზიციას, არამედ ხაზინადართა საბჭოს ზოგიერთ წევრს უმრავლესობიდან. ამ ოთხი სპეციალისტისთვის გამოყოფილი თანხა არის იმაზე მეტი, ვიდრე იღებს მაგალითად, მთელი ჩვენი ფრაქცია. ჩვენ გამოვიყენებთ ჩვენს უფლებას და მივმართავთ, აუდიტის სამსახურს შესასწავლილი იქნას პარლამენტში ასეთი ხარჯების ეფექტიანობა“, - განაცხადა რომან გოცირიძემ.

გიორგი ბილანიშვილი - ის, რაც ახლა საქართველოში ხდება, ერთმნიშვნელოვნად მოსკოვის ინტერესებში შედის
გიგი გიგიაძე - ხელისუფლება ვერ ახერხებს რუსულ კანონზე აბსოლუტური უმრავლესობის აზრის შეცვლას, დღითიდღე ფერები იცვლება და სულ უფრო მეტად ხდება ყველაფერი შავ-თეთრი
ქართული პრესის მიმოხილვა 02.05.2024
სილქნეტი „დაჭრილ მებრძოლთა თანადგომის ფონდის“ საქმიანობის ანგარიშს აქვეყნებს
კახა ოქრიაშვილი - იმედია, რევოლუციის შიში „ოცნებას“ უარს ათქმევინებს არჩევნების გაყალბებაზე
GM PHARMA ტექნოლოგიურ განვითარებას აგრძელებს
ვებრძოლოთ სისუსტეს და ადვილად დაღლას - შევმატოთ ორგანიზმს სასიცოცხლო ენერგია
საქნახშირის მოპოვების მაჩვენებელმა ჯამში 1 000 000 ტონას მიაღწია