იურიდიული კომიტეტის მიმავალმა თავმჯდომარემ მომავალ თავმჯდომარეს მეთვალყურე დაუნიშნა გედი ფოფხაძის სახით,"- ამის შესახებ ფრაქცია "ერთიანი ნაციონალური მოძრაობის" თავმჯდომარემ რომან გოცირიძემ ჟურნალისტებს განუცხადა. გოცირიძის თქმით, მმართველ გუნდში სერიოზული კონფლიქტია.
„დღეს ჩვენ დავინახეთ, რომ შიდა დაპირისპირება გრძელდება. მან პროცედურული ხასიათი მიიღო, მაგრამ შედეგი საკმაოდ სერიოზული და პოლიტიკურია. ფაქტობრივად, იურიდიული კომიტეტის მიმავალმა თავმჯდომარემ მომავალ თავმჯდომარეს მეთვალყურე დაუნიშნა გედი ფოფხაძის სახით. მაკონტროლებელი დაუნიშნა იმას, ვინც ჯერ არჩეული არ არის. ეს პროცესი გრძელდება და საზოგადოებამ უნდა გაიგოს, თუ რა ხდება საპარლამენტო უმრავლესობაში. ჩვენ წინ ხდება საკმაოდ სერიოზული კონფლიქტი მმართველ გუნდში,"- განაცხადა რომან გოცირიძემ.
შეგახსენებთ, რომ პარლამენტის იურიდიულმა კომიტეტმა დღეს თავმჯდომარის პირველი მოადგილის პოსტზე გედევან ფოფხაძე აირჩია.