გია ნოდია - გიორგი კვირიკაშვილის გადადგომის შემდეგ მოსალოდნელი იყო, რომ მის მეგობარს და მასთან დაახლოებულ მამუკა ხაზარაძესაც დაუპირისპირდებოდა ბიძინა ივანიშვილი

გასაგებია, რომ „თიბისი ბანკის“ საქმეზე დაწყებული გამოძიების უკან დგას ბიძინა ივანიშვილი და მმართველი გუნდი, სხვას ასეთი ბერკეტი არ გააჩნია, - ამის შესახებ „პალიტრანიუსის“ გადაცემაში „360 გრადუსი“ პოლიტოლოგმა გია ნოდიამ განაცხადა.

როგორც ნოდიამ აღნიშნა, პრემიერ-მინისტრ გიორგი კვირიკაშვილის გადადგომის შემდეგ მოსალოდნელი იყო, რომ მის მეგობარს ან მასთან დაახლოებულ მამუკა ხაზარაძესაც დაუპირისპირდებოდა ბიძინა ივანიშვილი.

„ეს ის შემთხვევაა, როდესაც შეკითხვები ნაკლებად ჩნდება იმ თვალსაზრისით, რომ ეს არის პოლიტიკურად მოტივირებული და ორგანიზებული კამპანია ერთ-ერთი ფინანსური ორგანიზაციის წინააღმდეგ. ვინ რას ფიქრობს მამუკა ხაზარაძეზე ან „თიბისი ბანკზე“, ეს ნაკლებად მნიშვნელოვანია. გასაგებია, რომ ამის უკან დგას ბიძინა ივანიშვილი და მმართველი გუნდი, სხვას ასეთი ბერკეტები არ გააჩნია. აქ მნიშვნელოვანია, რომ არის შემთხვევები, როდესაც შეიძლება იდავო, მაგალითად მოსამართლეების შემთხვევაში, აქ შეიძლება რაღაც სადავო იყოს, მაგრამ არის ისეთი შემთხვევები და ბოლო ხანებში „ქართული ოცნება“ და ბიძინა ივანიშვილი წავიდნენ ისეთ ნაბიჯებზე, სადაც შეუძლებელია სხვანაირად, განსხვავებული ინტერპრეტაცია მისცე. მაგალითად, ყბადაღებული ვალების განულება შეუძლებელია სხვაგვარად შეაფასო, თუ არა ამომრჩევლის მოსყიდვა არჩევნებამდე 9 თვით ადრე, სხვანაირ ინტერპრეტაციას არავინ აკეთებს, თუ უშუალოდ „ქართული ოცნების“ წარმომადგენელი არ არის.

„თიბისი ბანკის“ შემთხვევაც, როდესაც 10 წლის წინანდელ საქმეზე გამოძიებას იწყებ, რაღაც დარღვევაზე, რომლის არსიც არავის ესმის, შეუძლებელია სხვა ინტერპრეტაცია მისცე, თუ არა ის, რომ მთავრობა ებრძვის ბანკს. მით უმეტეს, რომ პრაქტიკულად კვირიკაშვილის გადაყენების შემდეგ მოსალოდნელი იყო, რომ როგორც კვირიკაშვილის მეგობარს ან მასთან დაახლოებულ მამუკა ხაზარაძესაც დაუპირისპირდებოდა ბიძინა ივანიშვილი. მედიის გარკვეული ნაწილი კვირიკაშვილის გადადგომისთანავე აუმხედრდა ხაზარაძეს, რომ ახლა „მოევლება“ „თიბისი ბანკს“ და ხაზარაძეს“, - განაცხადა გია ნოდიამ.

იხილეთ ვიდეო

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი