პროკურორის ინფორმაციით, ჯეკ შეფერდს გაუფრთხილებლობით სიცოცხლის მოსპობის გარდა, ერთ პირზე თავდასხმას ედავებიან

დაზარალებულ დევიდ ბიჩს, ჯეკ შეფერდმა თავში არყის ბოთლი ჩაარტყა და სხეულის დაზიანება მიაყენა, აღნიშნული დანაშაული ბრიტანული კანონმდებლობით სასჯელის სახით უვადო თავისუფლების აღკვეთას ითვალისწინებს, - ამის შესახებ ჟურნალისტებს საქართველოში დაკავებული ბრიტანეთის მოქალაქის, ჯეკ შეფერდის საქმის პროკურორმა, ქეთევან გურაშვილმა განუცხადა.

როგორც პროკურორმა განმარტა, შეფერდს გარდა გაუფრთხილებლობით სიცოცხლის მოსპობისა, სხვა დანაშაულსაც ედავებიან. გურაშვილის განცხადებით, დაკავებული ბრიტანეთის მოქალაქე დევიდ ბიჩზე თავდასხმისთვის გირაოს სანაცვლოდ იყო გათავისუფლებული, სწორედ ამ დროს მიემალა ის მართლმსაჯულებას და საქართველოში ჩამოვიდა.

რაც შეეხება ჯეკ შეფერდის ექსტრადიციას, ამ საკითხზე სასამართლო 3 თვეში იმსჯელებს.

„სასამართლომ სრულად გაიზიარა ბრალდების მხარის შუამდგომლობა და საექსტრადიციო პატიმრობა გამოიყენა ჯეკ სებასტიან შეფერდის მიმართ. შემდეგი პროცედურები კანონის მოთხოვნათა სრული დაცვით იქნება გაგრძელებული.

ისევ სასამართლო მიიღებს გადაწყვეტილებას, გადაეცემა თუ არა აღნიშნული პიროვნება ექსტრადიციის მომთხოვნ სახელმწიფოს. ამასთან დაკავშირებით, ზუსტად იმ სასამართლო განხილვების დროს უნდა ისაუბრონ მხარეებმა და წარმოადგინონ თავიანთი არგუმენტაცია.

გარდა იმისა, რომ შეფერდი გაუფრთხილებლობით სიცოცხლის მოსპობისთვის არის მსჯავრდებული და 6 წლის ვადით აქვს თავისუფლების აღკვეთა განსაზღვრული, იგი ასევე იძებნება სხეულის მძიმე დაზიანების მცდელობისთვის, აღნიშნული დანაშაული ბრიტანული კანონმდებლობით სასჯელის სახით უვადო თავისუფლების აღკვეთას ითვალისწინებს“, - განაცხადა გურაშვილმა.

შეგახსენებთ, რომ ბრიტანეთის მოქალაქე ჯეკ შეფერდი, რომელიც საქართველოში მიმალვაში იმყოფებოდა, ახალგაზრდა ქალის გაუფრთხილებლობით სიცოცხლის მოსპობაშია მსჯავრდებული. უცხოური მედიის ინფორმაციით, შეფერდი საკუთარ კატერს ნასვამ მდგომარეობაში მართავდა, სიჩქარის გადაჭარბების გამო კატერი გადაბრუნდა, რასაც მისი მეგობარი გოგონა, 24 წლის შარლოტა ბრაუნის სიცოცხლე ემსხვერპლა.

საქართველოს შინაგან საქმეთა სამინისტროს ინფორმაციით, 1987 წელს დაბადებულ ჯ.ს.შ. ვაკე-საბურთალოს პოლიციის სამმართველოში 23 იანვარს ადვოკატებთან ერთად გამოცხადდა და საქართველოს პოლიციას ჩაბარდა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს