დავით სერგეენკოს განცხადებით, სოცმუშაკების საქმიანობას მუდმივ რეჟიმში გაეცნობა

ჯანდაცვის მინისტრის დავით სერგეენკოს განცხადებით, სოციალური სამუშაოს პოლიტიკის საბჭოს, რომელსაც თავად უხელმძღვანელებს, სოციალური მუშაკების საქმიანობას მუდმივ რეჟიმში გაეცნობა. დევნილთა, შრომის, ჯანმრთელობისა და სოციალური დაცვის მინისტრის თქმით, ამ საკითხზე სამუშაო შეხვედრა გუშინ შედგა.

დავით სერგეენკოს განცხადებით, ჯანდაცვის უწყებაში სისტემური ცვლილებები სანზონაში, 4 წლის ბავშვის გარდაცვალებამდეც დაწყებული იყო.

„ბავშვის გარდაცვალება, რა თქმა უნდა, არის ყველაზე დიდი ტრაგედია, რაც კი შეიძლება მოხდეს. გარდაცვალების ზუსტ მიზეზს, რა თქმა უნდა, ექსპერტიზა დაადგენს. ის ცვლილებები, რაც სამინისტრომ დაიწყო, გაგრძელდება. ცვლილებები ამ ტრაგიკულ შემთხვევასთან კავშირში არ არის, შარშან დაიწყო. კერძოდ, შარშან პარლამენტმა მიიღო კანონი, რომლის შესაბამისად, შეიქმნა სამუშაო გეგმა და მისი განხორციელება დაწყებულია. სამსახურიდან ამ 4 ადამიანის გათავისუფლება არ ნიშნავს, რომ სისტემური პრობლემის მხოლოდ მათზე გადაბრალება გვინდა. რა თქმა უნდა, ასე არ არის. რაც შეეხება ცვლილებებს, შეიქმნა სოციალური სამუშაოს პოლიტიკის საბჭო, რომელსაც მე ვუხელმძღვანელებ, ამაზე სამუშაო შეხვედრა გუშინ გვქონდა. მე პირადად მექნება სისტემატური კომუნიკაცია სოციალურ მუშაკებთან, რათა პოლიტიკის მიმართულებით ცვლილებები პირადი კონტროლის ქვეშ მქონდეს”,- აღნიშნა მან.

შეგახსენებთ, რომ 4 წლის გოგონას გარდაცვალების საქმეზე, 4 სოცმუშაკი გაათავისუფლეს, სოციალური პროგრამების დეპარტამენტის უფროსმა კი თანამდებობა საკუთარი სურვილით დატოვა.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება