ქეთევან ციხელაშვილი - სტრასბურგის სასამართლოს გადაწყვეტილებამ კიდევ ერთხელ გაუსვა ხაზი, თუ რამდენად უკანონოდ მოქმედებს რუსეთი
შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, სტრასბურგის სასამართლოს გადაწყვეტილებამ კიდევ ერთხელ გაუსვა ხაზი, თუ რამდენად უკანონოდ მოქმედებს რუსეთი საქართველოსთან მიმართებაში.
„რა თქმა უნდა, ჩვენ გვქონდა მოლოდინი, რომ იქნებოდა სამართლიანი გადაწყვეტილება, ეს არის საქართველოს და მისი მოქალაქეების გამარჯვება, ამ შემთხვევაში საერთაშორისო სამართლებრივ სივრცეში. სტრასბურგის სასამართლომ დაადგინა კონკრეტული თანხა, 10 მლნ ევროს ოდენობით, რაც უნდა იქნას გადახდილი რუსეთის ფედერაციის მიერ, ჩვენი მოქალაქეების უფლებების უხეში დარღვევისთვის 2006 წელს. მე ვფიქრობ, რომ ამას სამართლებრივის გარდა, ძალიან დიდი მნიშვნელობა აქვს იმისათვის, რომ კიდევ ერთხელ გაესვას ხაზი, თუ რამდენად უკანონოდ მოქმედებს რუსეთი საქართველოსთან მიმართებაში, არა მხოლოდ მისი საოკუპაციო პოლიტიკით, არამედ ქმედებით ჩვენი მოქალაქეების და მათი უფლებების წინააღმდეგ“, - განაცხადა ციხელაშვილმა.
შეგახსენებთ, რომ სტრასბურგის სასამართლომ მოსკოვს, რუსეთიდან დეპორტირებული საქართველოს მოქალაქეებისთვის კომპენსაციის სახით 10 მილიონი ევროს გადახდა დააკისრა.
v-if="article.gallery" v-html="article.gallery"
