ანა დოლიძე - მოსამართლეებთან დაკავშირებით, ექსპერტებთან  შეხვედრაზე  გამოიკვეთა ორი მყისიერად მოსაგვარებელი პრობლემა

ექსპერტებთან შეხვედრაზე გამოიკვეთა ორი მყისიერად მოსაგვარებელი პრობლემა, რომლებსაც, ექსპერტების აზრით, სჭირდება ყურადღების მიქცევა, - ამის შესახებ შეხვედრის დასრულების შემდეგ ჟურნალისტებთან საუბარში იუსტიციის უმაღლესი საბჭოს არამოსამართლე წევრმა ანა დოლიძემ განაცხადა.

მისივე თქმით, პირველია რეპუტაცია შელახულ მოსამართლეებზე აქცენტის გადატანა, მეორე კი მოსამართლეების უვადოდ დანიშვნების შეჩერება.

"ამ ეტაპზე გამოიკვეთა საჭიროება, რომ ჩვენ გავაგრძელოთ ასეთი შეხვედრები საზოგადოების სხვადასხვა ჯგუფებთან და არა მხოლოდ იურისტებთან. გამოიკვეთა ორი მყისიერად მოსაგვარებელი პრობლემა, რომლებსაც, ექსპერტების აზრით, სჭირდება ყურადღების მიქცევა. პირველია რეპუტაცია შელახულ მოსამართლეებზე აქცენტის გადატანა, რომლებსაც მოსახლეობა სასამართლოს ვერ ანდობს. მეორე მიმართულებაა მოსამართლეების უვადოდ დანიშვნების შეჩერება ამ ეტაპზე. როგორც ეს შეხვედრა იყო ნაყოფიერი, ჩვენ ასე გავაგრძელებთ შეხვედრებს სხვადასხვა ორგანიზაციების და პროფესიების წარმომადგენლებთან, იმიტომ, რომ სასამართლო ყველასია და არა მხოლოდ იმ ხალხის, ვინც ამ შენობაში პერიოდულად იკრიბება. რაც შეეხება უვადოდ დანიშვნების შეჩერების მექანიზმს, ჩვენ ამ თემაზე ძალიან მწვავედ უკვე სულ მცირე ერთი წელია ვსაუბრობთ. ეს თემა საზოგადოების დღის წესრიგში დგას. ძალიან მიხარია, რომ პარლამენტში ნელ-ნელა ფორმირდება აზრი, რომ არ შეიძლებოდა უვადოდ დანიშვნების იმ ფორმით გაკეთება, როგორც ეს აქამდე ხდებოდა. მოინახება საშუალება საკანონმდებლო ცვლილებების გზით. ეს ტექნიკური საკითხია და მას საპარლამენტო უმრავლესობის თანხმობა დასჭირდება და ეს პროცესი გააჩერებს უვადოდ დანიშვნებს. მეორე ეტაპი იქნება ის, თუ რა უნდა ვუყოთ ამ პერიოდის განმავლობაში უკვე უვადოდ დანიშვნულ მოსამართლეებს", - განაცხადა დოლიძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა