დავით ზალკალიანი აშშ-ს სახელმწიფო მდივნის მოადგილეს შეხვდა

საქართველოს საგარეო საქმეთა მინისტრმა დავით ზალკალიანმა აშშ-ში ვიზიტის ფარგლებში შეხვედრა გამართა სახელმწიფო მდივნის მოადგილესთან შეიარაღებაზე კონტროლისა და საერთაშორისო უსაფრთხოების საკითხებში ანდრეა ტომფსონთან. ინფორმაციას საგარეო საქმეთა სამინისტრტო ავრცელებს.

შეხვედრაზე მხარეებმა მაღალი შეფასება მისცეს აშშ-საქართველოს სტრატეგიულ პარტნიორობას, რასაც კიდევ უფრო ამყარებს მაღალი დონის აქტიური კომუნიკაცია საქართველოს ხელისუფლებასა და შეერთებული შტატების ადმინისტრაციას შორის.

აუდიენციისას კიდევ ერთხელ აღინიშნა, რომ ორ ქვეყნას შორის თანამშრომლობა უმაღლეს ნიშნულზეა ყველა პრიორიტეტული მიმართულებით. მხარეებმა დადებითად შეაფასეს უსაფრთხოებისა და თავდაცვის სფეროში ორი ქვეყნის თანამშრომლობა და განიხილეს ამ მიმართულებით ურთიერთობის გაღრმავების გზები.

ქართულმა მხარემ მადლობა გადაუხადა აშშ-ს საქართველოს სუვერენიტეტისა და ტერიტორიული მთლიანობის მხარდაჭერისთვის და არაღიარების პოლიტიკის მხარდაჭერისთვის, რა მხრივაც უმნიშვნელოვანესი იყო აშშ-ს საბიუჯეტო კანონში საქართველოს ოკუპირებულ რეგიონებთან დაკავშირებული ჩანაწერი.

აშშ-ს მხრიდან კიდევ ერთხელ დაფიქსირდა საქართველოს ევრო-ატლანტიკური ინტეგრაციის მხარდაჭერა, მაღალი შეფასება მიეცა ნატო-ში ინტეგრაციის გზაზე საქართველოს განხორციელებულ რეფორმებს, როგორც დემოკრატიული განვითარების, ასევე თავდაცვისა და უსაფრთხოების მიმართულებით.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს