მასწავლებლებს ხელფასი 800 ლარი ვერ მიეცით, ამდენი ხანია 40 მილიონს გეხვეწებით, - ამის შესახებ „ევროპული საქართველოს“ წევრმა სერგო რატიანმა პარლამენტის პლენარულ სხდომაზე განაცხადა, სადაც განათლების მინისტრის მოსმენა გრძელდება.
სერგო რატიანის განცხადებით, მიუხედავად იმისა, რომ მასწავლებელთა ნაწილმა შესაბამისი გამოცდა ჩააბარა, მათ 800 ლარის ოდენობით ხელფასი არ დაენიშნათ.
„მასწავლებლებს ხელფასი 800 ლარი ვერ მიეცით. 60 000 მასწავლებლიდან არსებობენ ადამიანები, რომლებმაც ჩააბარეს ეს გამოცდა და ვერ მიეცით ეს 800 ლარი. სამწუხაროდ, ვერ აკეთებთ ამას. მე შეიძლებოდა მეთქვა, რომ პრემიერის ბრალია ეს, მაგრამ ეს ფული იყო, ეს 40 მილიონი ლარი იყო“, - განაცხადა რატიანმა.