ეკა ბესელია - ცვლილებების აუცილებლობას ყველა ხედავს, თუმცა დროის სიმცირის გამო მხოლოდ ცხრა ხელმოწერა დაფიქსირდა

ჩვენი ინიციატივა არ არის მხოლოდ 9 დეპუტატის ინციატივა, მას უფრო მეტი მხარდამჭერი ჰყავს, ვიდრე ხელმომწერი, - ამის შესახებ ჟურნალისტებს იურიდიულ საკითხთა კომიტეტის ყოფილმა თავმჯდომარემ ეკა ბესელიამ განუცხადა.

მისი თქმით, ცვლილებების აუცილებლობას ყველა ხედავს, თუმცა დროის სიმცირის გამო მხოლოდ ცხრა ხელმოწერა დაფიქსირდა. ჟურნალისტებთან საუბრისას ბესელიამ აქცენტი კვლავ მოსამართლეთა უვადოდ გამწესების გადავადებაზე გააკეთა.

"ამ ცვლილების საჭიროებას ყველა ხედავს. ეს არის მორატორიუმი, რომ არ ჩაიკეტოს სასამართლო სისტემა და მოხდეს ახალი მოსამართლეების შემოსვლა სასამართლო სისტემაში, რადგან არასწორად ხდება მოსამართლეთა უვადოდ გამწესების არსებული ნორმების გამოყენება და პრაქტიკაში არის ხარვეზები. იმისთვის, რომ მოვამზადოთ ინიციატივები, პარლამენტს ჰქონდეს სამუშაო დრო, საჭიროა შევაჩეროთ უვადო დანიშვნა პირველ და მეორე ინსტაციის სასამართლოში", - განაცხადა ეკა ბესელიამ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში