ზურაბ ჭიაბერაშვილი - „თიბისი ბანკზე" ან მამუკა ხაზარაძეზე დარტყმა, რასაც ივანიშვილი ეროვნული ბანკის მეშვეობით ახორციელებს, არ არის მხოლოდ ერთ სუბიექტზე დარტყმა
„თიბისი ბანკზე" ან მამუკა ხაზარაძეზე დარტყმა, რასაც ბიძინა ივანიშვილი თავისი პირადი ინტერესებიდან გამომდინარე ეროვნული ბანკის მეშვეობით ახორციელებს, ეს არ არის მხოლოდ ერთ სუბიექტზე დარტყმა, - ამის შესახებ „ევროპული საქართველოს" წევრმა ზურაბ ჭიაბერაშვილმა ჟურნალისტებს განუცხადა.
მისი შეფასებით, ეკონომიკურ სუბიექტებზე ასეთი დარტყმები კიდევ უფრო ამძიმებს ეკონომიკურ სიტუაციას და ზრდის სიღარიბეს ქვეყანაში.
„სამწუხაროდ, ლოგიკური და მოსალოდნელი იყო ბიძინა ივანიშვილის მხრიდან უკვე ბიზნესზე შეტევა მას შემდეგ, რაც მეშვიდე წელია ის უტევს პოლიტიკურ ოპოზიციას, მედიას, არასამთავრობო ორგანიზაციებს - ყველა პიროვნებას და ყველა ინსტიტუტს, რომელიც მის დიქტატს არ ემორჩილება. ბუნებრივია, ახლა მისი სამიზნე აღმოჩნდა ბიზნესი. ჩვენს საზოგადოებაში ზოგიერთს აგრესიაც კი აქვს ბანკების მიმართ, მაგრამ კარგად უნდა გვესმოდეს, რომ ეკონომიკურ სუბიექტებზე ასეთი დარტყმები კიდევ უფრო ამძიმებს ეკონომიკურ სიტუაციას, ზრდის უმუშევრობას, ასუსტებს ლარს, ზრდის ფასებს და საბოლოო ჯამში, ეს აისახება თითოეული მოქალაქის ჯიბეზე. შესაბამისად, ჩვენ ვხედავთ, რომ "თიბისი ბანკზე" ან მამუკა ხაზარაძეზე დარტყმა, რასაც ბიძინა ივანიშვილი თავისი პირადი ინტერესებიდან გამომდინარე ეროვნული ბანკის მეშვეობით ახორციელებს, ეს არ არის მხოლოდ ერთ სუბიექტზე დარტყმა. ეს საბოლოო ჯამში, ვნებს ჩვენს ეკონომიკურ მდგომარეობას და აისახება გაზრდილ სიღარიბეზე“, - განაცხადა ზურაბ ჭიაბერაშვილმა.
v-if="article.gallery" v-html="article.gallery"
