საქართველოს პრეზიდენტი პარიზის პოლიტიკურ მეცნიერებათა ინსტიტუტში საჯარო ლექციას წაიკითხავს. პრეზიდენტის პრესსამსახურის ინფორმაციით, პრეზიდენტის საჯარო ლექცია - ,,საქართველო და ევროპა, შესაძლებლობები ცვალებად გარემოში“ თბილისის დროით 20:00 საათზე დაიწყება და ინსტიტუტისს ვებ გვერდზე პირდაპირ ეთერში გადაიცემა: https://bit.ly/2GRnG6L
სალომე ზურაბიშვილის მშობლიურმა ინსტუტმა სოციალური ქსელით გაავრცელა მისი სტუდენტური ანკეტა. „გვაქვს პატივი, დღეს საღამოს ვუმასპინძლოთ საქართველოს პრეზიდენტსა და პოლიტიკურ მეცნიერებათა ინსტიტუტის კურსდამთავრებულს, სალომე ზურაბიშვილს. მისი სიტყვის მოსმენამდე, რომელიც გვპირდება, რომ იქნება საინტერესო, იხილეთ მისი სტუდენტური პორტრეტი“, – ნათქვამია ინსტიტუტის განცხადებაში.
პრეზიდენტი SciencesPo -ში 1969-1972 წლებში სწავლობდა, ხოლო 2006-2015 წლებში ამავე ინსტიტუტის ასოცირებული პროფესორი იყო. პრეზიდენტის ოფიციალურ ,,ფეისბუქზე“ ლექციის ქართული თარგმანის პირდაპირი ტრანსლირება მოხდება.