ვანო ზარდიაშვილი - ვინც ფიქრობს, რომ ირაკლი კობახიძე კარგი თავმჯდომარე არ არის, როგორც მინიმუმ, იმავე სტანდარტებს თავად უნდა აკმაყოფილებდეს

ირაკლი კობახიძე არის პატიოსანი, ღირსეული, სამშობლოს მოყვარული და კომპეტენტური ადამიანი - ვინც ფიქრობს, რომ ის კარგი თავმჯდომარე არ არის, როგორც მინიმუმ, იმავე სტანდარტებს თავად უნდა აკმაყოფილებდეს, - ამის შესახებ ვანო ზარდიაშვილმა ეკა ბესელიას პასუხად განაცხადა.

მან აქვე დასძინა, რომ საქართველოს პარლამენტარიზმის ისტორიაში ირაკლი კობახიძე ერთ-ერთი საუკეთესო თავმჯდომარე და ასევე, საუკეთესო კონსტიტუციონალისტია, ხოლო ვენეციის კომისიის მიერ აღიარებულია, რომ ქვეყანას ყველაზე დემოკრატიული კონსტიტუცია აქვს.

უმრავლესობის ყოფილი წევრის ეკა ბესელიას შეფასებით, ირაკლი კობახიძე პარლამენტის ღირსეული თავმჯდომარე არ არის და მან ამ თანამდებობაზე ვერ გაამართლა.