კავკასიის საერთაშორისო უნივერსიტეტსა და SYSTEM CORP-ს შორის ურთიერთთანამშრომლობის მემორანდუმი გაფორმდა

კავკასიის საერთაშორისო უნივერსიტეტსა და SYSTEM CORP-ს შორის დღეს ურთიერთთანამშრომლობის მემორანდუმი გაფორმდა.

ურთიერთთანამშრომლობის მემორანდუმს ხელი მოაწერეს კავკასიის საერთაშორისო უნივერსიტეტის რექტორმა კახაბერ კორძაიამ და SYSTEM CORP–ის დამფუძნებელმა და დირექტორმა ლუკა ჩხეტიანმა.

მემორანდუმი, უნივერსიტეტში თანამედროვე კიბერ-ტექნოლოგიური მიმართულების უმაღლესი საგანმანათლებლო პროგრამების შექმნას, განვითარებასა და არაფორმალური განათლების მიღების შესაძლებლობის ზრდას ითვალისწინებს.

როგორც „ინტერპრესნიუსს“ კანცლერის მოადგილემ ნინო ჩუბინიძემ განუცხადა, მემორანდუმის თანახმად, მხარეები ერთობლივად განახორციელებენ თანამედროვე კიბერ ტექნოლოგიებისა და ხელოვნური ინტელექტის დანერგვას სასწავლო პროცესში.

„კავკასიის საერთაშორისო უნივერსიტეტი ექვს თვეზე მეტია, რაც თანამშრომლობს SYSTEM CORP–თან. ამ ორგანიზაციასთან სასწავლო, კვლევით და ასევე მართვის მიმართულებით ინიციატივების დაგეგმვას უკვე ვახორციელებთ. მემორანდუმის ფარგლებში SYSTEM CORP უნივერსიტეტის IT დეპარტამენტთან, ასევე სხვა სტრუქტურებთან ერთად დაიწყებს ხელოვნური ინტელექტის პროექტების ფართომასშტაბიან დაგეგმვას, ასევე სხვა ინოვაციური პროექტების განხორციელებას, როგორც ადმინისტრაციულ, ასევე სასწავლო პროცესებში. კავკასიის საერთაშორისო უნივერსიტეტი უახლოეს პერიოდში შესთავაზებს საზოგადოებას კომპიუტერული მეცნიერების ორმაგი ხარისხის ინგლისურენოვან პროგრამას“, – განაცხადა ნინო ჩუბინიძემ.

ლუკა ჩხეტიანიას თქმით, კი მაღალტექნოლოგიურ პროდუქტებზე მოთხოვნა იქედან გამომდინარეობს, რომ საქმე ეხება პირად მონაცემებს და შეცდომის დაშვების უფლება არ აქვთ.

მისივე განცხადებით, უნივერსიტეტთან ერთად მათ დაიწყეს მუშაობა ზეტექნოლოგიების სკოლის შექმნაზე, სადაც მოხდება ხელოვნული ინტელექტის საწყისების შესწავლა და კურსების წარმატებით გავლის შემთხვევაში სტუდენტები მათ კომპანიაში დასაქმდებიან.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ზაზა ფაჩულიამ „არქი“ იყიდა