ეკა ბესელია - ირაკლი ღარიბაშვილის ნებისმიერ გააქტიურებას მივესალმებოდი და მას წარმატებას ვუსურვებ

ირაკლი ღარიბაშვილის ნებისმიერ გააქტიურებას მე პირადად მივესალმებოდი და მას წარმატებას ვუსურვებ, - ამის შესახებ დეპუტატმა ეკა ბესელიამ ჟურნალისტებს განუცხადა, რითაც გამოეხმაურა მმართველი პარტიის პოლიტიკურ მდივნად ირაკლი ღარიბაშვილის დანიშვნას. ბესელიას განცხადებით, ის ღარიბაშვილს გულშემატკივრობს, თუმცა მმართველ პარტიას სისტემური ცვლილებები სჭირდება.

„ირაკლის წარმატებას ვუსურვებ, თუ ის გააქტიურდება იმიტომ, რომ მე მას ვგულშემატკივრობ, თუმცა მმართველ პარტიას ნამდვილად სჭირდება ძალიან სერიოზული სისტემური ცვლილებები შიგნით. ეს უკვე მათი საქმეა, თუმცა ჩემი გადასახედიდან, ერთ-ერთი სერიოზული პრობლემა უთანხმოებების უკავშირდებოდა სწორედ პარტიული საქმიანობის არასწორი მართვის პრინციპებს. არ შეიძლება არჩევნების პერიოდში აქტიურდებოდეს პოლიტიკური პარტია და ისიც არ შეიძლება, რომ პარლამენტში ეცნობოდნენ ერთმანეთს ადამიანები, რომლებიც ერთი პარტიის სახელით შემოდიან. როგორც წესი, პარტიიდან უნდა იზრდებოდნენ ხოლმე კადრები, გარკვეულ ლოგიკას უნდა ექვემდებარებოდეს მათი ეტაპობრივი ზრდა და პარლამენტში ერთმანეთს არ უნდა ვეკითხებოდეთ: "უკაცრავად თქვენ საიდან ბრძანდებით? ადრე რას საქმიანობდით?" ეს გარკვეულ უხერხულობას ქმნის და დამერწმუნეთ, ასეთი პოლიტიკოსების ან პოლიტიკოსობის მსურველთა ერთმანეთთან გაზავება შეუძლებელი ხდება,"- განაცხადა ეკა ბესელიამ.

ჟურნალისტების კითხვაზე, შეძლებს თუ არა ღარიბაშვილი სისტემურ ცვლილებებს, ბესელიამ უპასუხა, რომ ერთი ადამიანი ყველაფერს ვერ შეძლებს.

„უნდა მივეჩვიოთ, რომ ქვეყანაში და მმართველ პარტიაშიც უნდა არსებობდეს ფუნქციების გადანაწილების და საპასუხისმგებლო პოზიციებზე ადამიანების შერჩევის სწორი კრიტერიუმები. თუ ეს მოდელი გამართული არ არის, ერთი ადამიანი ვერც პარტიაში და ვერც ქვეყანაში ვერ წარმართავს პროცესებს,"- განაცხადა ეკა ბესელიამ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!