ლევან გოგიჩაიშვილი - ირაკლი ღარიბაშვილს მოუწევს სასამართლოსთან და ჩინჩალაძესთან მიმართებაში თავისი პოზიცია დააფიქსიროს

ღარიბაშვილის დაბრუნება, ალბათ, ვიღაცებს გაუხარდებათ, მაგრამ სად ბრუნდება ესაა მთავარი, - ამის შესახებ დეპუტატმა ლევან გოგიჩაიშვილმა ჟურნალისტებს განუცხადა, რითაც მმართველი პარტიის პოლიტიკურ მდივნად ირაკლი ღარიბაშვილის დანიშვნას გამოეხმაურა.

ლევან გოგიჩაიშვილის თქმით, ღარიბაშვილს მოუწევს, თავისი პოზიცია დააფიქსიროს მოსამართლეების საკითხთან დაკავშირებით.

გარდა ამისა, როგორც გოგიჩაიშვილმა აღნიშნა, გარკვეული პასუხისმგებლობა ღარიბაშვილსაც ეკისრება, ვინაიდან, მისი თქმით, ღარიბაშვილის პრემიერ-მინისტრობის დროსაც მოხდა მოსამართლეების სასამართლოში ჩაცემენტება.

„ღარიბაშვილის დაბრუნება, ალბათ, ვიღაცებს გაუხარდებათ, იმედი მიეცემათ და მომავალს უფრო ოპტიმისტურად შეხედავენ, მაგრამ სად ბრუნდება ესაა მთავარი. „ქართულ ოცნებაში“ მას მთავარი ფორმულა ხვდება, ის ფორმულა, რომელიც კობახიძის საშუალებით გამჟღავნდა. მას მოუწევს თავისი პოზიცია სასამართლოსთან და ჩინჩალაძესთან მიმართებაში დააფიქსიროს, იზიარებს თუ არა ამ ფორმულას იმიტომ, რომ ჩემთვის მაგალითად, წყალგამყოფია და აბსოლუტურ უპრინციპობას ნიშნავს. ამ ფორმულის შესახებ მას კითხვებზე პასუხის გაცემა მოუწევს. ასევე პასუხისმგებლობა მანაც უნდა აიღოს იმიტომ, რომ მისი პრემიერობის დროსაც მოხდა ამ ადამიანების სასამართლოში ჩაცემენტება. მარტო პარლამენტის წევრებზე თითის გამოშვერა სწორი არ არის. ირაკლის ვიცნობ, პიროვნულად აუგს მასზე ვერ ვიტყვი. ერთია პიროვნება ირაკლი ღარიბაშვილი და მეორეა უკვე პოლიტიკოსი და უკვე პროცესების მონაწილე,“ - განაცხადა ლევან გოგიჩაიშვილმა.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)