გიგა ბოკერია - ღარიბაშვილი არის სიმბოლო ყველაფერი იმისი, რაც არასწორი იყო "ოცნებაში“

ღარიბაშვილი არის სიმბოლო ყველაფერი იმისი, რაც არასწორი იყო "ოცნებაში", - ამის შესახებ "ევროპული საქართველოს" ერთ-ერთმა ლიდერმა გიგა ბოკერიამ ჟურნალისტებს განუცხადა.

როგორც ბოკერიამ აღნიშნა, ეს არის მმართველი პარტიის მორალური, პოლიტიკური კრიზისი.

"აგონიაც შეიძლება დაარქვა, როცა ღარიბაშვილს დაუძახეს დასახმარებლად, როგორ დღეში უნდა იყოს ივანიშვილი და მისი მთელი გუნდი პოლიტიკური თვალსაზრისით და სანამ ეს კაცი მართავს, მთელი ქვეყანა. ღარიბაშვილი არის სიმბოლო ყველაფერი იმისი, რაც არასწორი იყო "ოცნებაში"; პრემიერ-მინისტრი, რომელმაც საზოგადოებას არც კი აუხსნა, რატომ წავიდა თანამდებობიდან, მისმა უფროსმა უთხრა, ახლა უნდა გაქრეო და გაქრა, ახლა დაუძახა და მოდის; კაცი, რომელიც აღსავსე იყო სიძულვილით, ანეკდოტების პერსონაჟად იქცა, თუ მას სიძულვილს გამოვაკლებთ. სამწუხაროდ, ჩვენთვის საინტერესო არ არის ღარიბაშვილის პერსონა, ჩვენთვის საინტერესოა ივანიშვილის პერსონა, სანამ ის მართავს ამ ქვეყანას. რა დღეში უნდა იყოს კაცი, რომ ღარიბაშვილს დაუძახო დასახმარებლად. იმ მმართველობის სტილით, როდესაც ყველანი არიან არარაობები ივანიშვილის თვალში, ქვეყანა შევა ჩიხში. ეს კაცი და მთელი სისტემაა შესაცვლელი დემოკრატიული არჩევების გზით",- განაცხადა ბოკერიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს