არჩილ თალაკვაძე - ანაკლიის პორტის პროექტის განსახორციელებლად სახელმწიფო გააკეთებს ყველაფერს, მიუხედავად იმისა, რა კერძო ინტერესები შეიძლება ჰქონდეს სხვადასხვა პირებს

ანაკლიის პორტის პროექტის განსახორციელებლად სახელმწიფო გააკეთებს ყველაფერს, მიუხედავად იმისა, თუ რა კერძო ინტერესები შეიძლება ჰქონდეს სხვადასხვა პირებს ამ პროექტთან დაკავშირებით, - ამის შესახებ „ქართული ოცნების“ ცენტრალურ ოფისში გამართულ პრესკონფერენციაზე საპარლამენტო უმრავლესობის ლიდერმა, არჩილ თალაკვაძემ განაცხადა.

მისივე თქმით, ანაკლიის პორტის საკითხს „თიბისი ბანკის“ საქმესთან არავითარი კავშირი არ აქვს.

როგორც უმრავლესობის ლიდერმა განაცხადა, აღნიშნული პროექტი უმნიშვნელოვანესია სახელმწიფოს უსაფრთხოებისა და ეკონომიკისთვის.

„ჩვენი უფლებამოსილების ფარგლებში, თვალს ვადევნებთ „თიბისი ბანკის“ დამფუძნებლებთან დაკავშირებულ საქმეს, სადაც, პროკურატურის ინფორმაციით, გამოძიება ეხება დიდი ოდენობით ფინანსურ ტრანზაქციებს, რომლის კანონიერებაც კითხვის ნიშნის ქვეშ დგას. ვინაიდან ანაკლიის პორტის საკითხი მოჰყავს ერთ-ერთ მთავარ არგუმენტად მეორე მხარეს და არის მუდმივი საუბარი, ხომ არ უკავშირდება აღნიშნული საქმე ანაკლიის ღრმაწყლოვანი პორტის საკითხს, მე მინდა ხაზგასმით და პირდაპირ განვაცხადო, რომ ეს არის სახელმწიფოს ეკონომიკის და უსაფრთხოებისთვის ერთ-ერთი უმნიშვნელოვანესი პროექტი, რომლის წარმატებით განხორციელებისთვისაც სახელმწიფო აკეთებდა და გააკეთებს ყველაფერს, მიუხედავად იმისა, რა განწყობები და კერძო ინტერესები შეიძლება ჰქონდეს სხვადასხვა პირებს ამ პროექტთან დაკავშირებით“, -განაცხადა არჩილ თალაკვაძემ.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი
„ნიკორამ“ StopCOV ფონდის მხარდასაჭერად 100 000 ლარი გადარიცხა