პოლიტიკური მოძრაობა „გირჩი" საკონსტიტუციო სასამართლოში „სისხლის სამართლის კოდექსის“ 157-ე პრიმა მუხლს ასაჩივრებს, რომელიც პირადი ცხოვრების ამსახველი ინფორმაციის ხელყოფას გულისხმობს.
როგორც „გირჩის“ ლიდერმა ზურაბ ჯაფარიძემ განაცხადა, სარჩელი ბოლო პერიოდში გავრცელებულ ფარულ კადრებს ეხება.
სარჩელი დღეს საკონსტიტუციო სასამართლოში ერთ-ერთ ბრალდებულმა ანა აროშიძემ „გირჩთან“ ერთად შეიტანა.
„როგორც იცით, 16 ადამიანს ემუქრება 4- დან 8 წლამდე პატიმრობა იმის გამო, რომ მათ ინტერნეტში საჯაროდ განთავსებული ერთ-ერთი ფარული ჩანაწერი შეინახეს, ჩაიწერეს ან მეგობარს გადაუგზავნეს. ეს არის სრული სიგიჟე. არ შეიძლება ადამიანს ასე სჯიდეს სახელმწიფო. ვფიქრობთ, რომ ინტერნეტში გავრცელებული ინფორმაციის თუ ფაილის, რომელიც საჯაროდ არის უკვე განთავსებული, მოპოვება თუ გავრცელება, არ უნდა იყოს დასჯადი“, - განაცხადა ჯაფარიძემ.