სოფიო ქაცარავა ინდონეზიის რესპუბლიკის სახალხო საკონსულტაციო ასამბლეის თავმჯდომარის მოადგილეს შეხვდა

საგარეო ურთიერთობათა კომიტეტის თავმჯდომარემ სოფიო ქაცარავამ ინდონეზიის რესპუბლიკის სახალხო საკონსულტაციო ასამბლეის თავმჯდომარის მოადგილესთან ჰიდეიათ ნურ ვაჰიდთან და მის თანმხლებ დელეგაციასთან შეხვედრა გამართა. როგორც „ინტერპრესნიუსს“ საქართველოს პარლამენტიდან აცნობეს, შეხვედრაში ასევე მონაწილეობდნენ კომიტეტის წევრები გიორგი ხატიძე და რამაზ ნიკოლაიშვილი.

მათივე ინფორმაციით, მხარეებმა ორმხრივი საპარლამენტო და პოლიტიკური თანამშრომლობის გაღრმავების საკითხები განიხილეს. საუბარი ასევე შეეხო ეკონომიკური კავშირების გაძლიერებას. ორმხრივი ურთიერთობების გაძლიერების მაღალი ინტერესის გათვალისწინებით, მხარეებმა საქართველოში ინდონეზიის საელჩოს გახსნის საკითხზეც იმსჯელეს და შეთანხმდნენ, რომ უახლოეს მომავალში, ორივე ქვეყნის საკანონმდებლო ორგანოში მეგობრობის ჯგუფები ჩამოყალიბდება, რომლებიც ხელს შეუწყობენ, როგორც საპარლამენტო კავშირების ასევე, სექტორული თანამშრომლობის გაღრმავებას.

„სამხრეთ-აღმოსავლეთ აზია და ოკეანეთის ქვეყნებთან თანამშრომლობა მნიშვნელოვანია. არსებობს დიდი პოტენციალი და საპარლამენტო კავშირების გაძლიერება ამ ყველაფერს ხელს შეუწყობს ურთიერთსასარგებლო შედეგების მისაღებად,“ - განაცხადა სოფიო ქაცარავამ.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა