ოკუპირებულ გალის რაიონში გარდაცვლილი ირაკლი კვარაცხელიას ახლობლები თვითმკვლელობის ვერსიას გამორიცხავენ.

როგორც გარდაცვლილი ახალგაზრდის ახლობელმა, პაატა უზარაშვილმა განაცხადა, პირადად დაათვალიერა ირაკლი კვარაცხელია ცხედარი და მას სხეულის სხვადასხვა ადგილზე დაზიანებები აღენიშნება.

„მას წამების კვალი აღენიშნება. ბავშვი მოკლეს და მერე ჩამოკიდეს, ვითომ თავი ჩამოიხრჩო. ირაკლი თავს არ ჩამოიხრჩობდა იმიტომ, რომ ეკლესიურად ცხოვრობდა, მართლმადიდებელი იყო და ამას არ იზამდა. ცემისგან ყურიც გალურჯებული აქვს“, - განაცხადა უზარაშვილმა.

„ირაკლის ხსეულზე დალურჯებები შევამჩნიეთ. დაზიანება მიღებული აქვს თავისა და ზურგის არეში. ვერსიების გამოთქმისგან თავს ვიკავებ. ველოდები გამოძიებას, მირჩევნია გავიგო გამოძიებისა და ექსპერტის საბოლოო პასუხებ“, - განაცხადა ანა კვარაცხელიამ.

შეგახსენებთ, რომ 28 წლის ირაკლი კვარაცხელია გალის რაიონში, ნაბაკევის სამხედრო ბაზაზე 12 მარტს გაურკვეველ ვითარებაში გარდაიცვალა.