ირაკლი კვარაცხელიას სენაკში იოანე ნათლისმცემელის ტაძარში დაასვენებენ

ოკუპირებულ აფხაზეთში გარდაცვლილ 28 წლის ირაკლი კვარაცხელიას საკუთარი სახლიდან იოანე ნათლისმცემლის ტაძარში ეკლესიაში გადაასვენებენ.

ახლობლების ინფორმაციით, ირაკლი კვარაცხელიას დღეს სენაკში, დედის გვერდით დაკრძალავენ. ირაკლი კვარაცხელია გალის რაიონში, ნაბაკევის სამხედრო ბაზაზე 12 მარტს გაურკვეველ ვითარებაში გარდაიცვალა. წინა დღეს ის დააკავეს. აფხაზეთის დე ფაქტო ხელისუფლების ვერსიით, ირაკლი კვარაცხელიამ თავი მოიკლა. თუმცა, გარდაცვლილის ნათესავებს გავრცელებული ვერსიის არ სჯერათ. ისინი არც კვარაცხელიას ავადმყოფობის შესახებ გავრცელებულ ინფორმაციას ადასტურებენ.

იხილეთ ვიდეო: ირაკლი კვარაცხელია სენაკში იოანე ნათლისმცემელის ტაძარში დაასვენეს - ახლობლების ინფორმაციით მას დედის გვერდით დაკრძალავენ