ძალიან წარმატებულად კი თვლით თავს ქალბატონო თეა, მაგრამ სახელმწიფო დეპარტამენტის ანგარიშში პერსონალურად ხართ მოხსენებული, როგორც ადამიანი, რომელმაც დაანგრია ქვეყანაში ყველანაირი ნდობა პროკურორის და საპროკურორო სისტემის მიმართ, - ასე მიმართა „ნაციონალური მოძრაობის“ წევრმა სალომე სამადაშვილმა იუსტიციის მინისტრ თეა წულუკიანს, რომელიც „მინისტრის საათის“ ფარგლებში პარლამენტში იმყოფება.

„კონსტიტუცია რომ შეიცვალა, საერთოდ განიხილავთ თუ არა, რომ ახალი პროცედურები იქნას გამოყენებული და ამ ქვეყანაში, ერთხელ მაინც გვეღირსოს პროკურორი, რომელსაც საზოგადოების ნდობა ექნება და არა მხოლოდ თქვენი ქალბატონო თეა“, - მიმართა სალომე სამადაშვილმა წულუკიანს.