მე მგონი, მე ვლიდერობ, მაგრამ ოთო სწრაფად მეწევა და ამაზე ვღელავ, - ასე უპასუხა „ევროპული საქართველოს“ ერთ-ერთმა ლიდერმა გიგა ბოკერიამ ჟურნალისტებს კითხვაზე, ვინ უფრო უყვარს თეა წულუკიანს - ის თუ დეპუტატი ოთარ კახიძე.

„ევროპული საქართველოს“ ერთ-ერთმა ლიდერმა თეა წულუკიანს ბიძინა ივანიშვილის გუნდის „გულის გული“ უწოდა.

„ჩვენი საზოგადოების პრობლემა, გარდა იმ პოლიტიკური სიძულვისა და კლოუნადის რომელზეც კომენტარი ალბათ რთულია სერიოზულად გააკეთო, არის ის, რომ ქალბატონი თეა არის განსახიერება, ივანიშვილის გუნდის გულის გულია. დღემდე, მეშვიდე წელს პოლიტიკური ოპონენტების მიმართ საზრდოობენ სიძულვილით. რომ აირჩიეს მაშინაც არაადეკვატური იყო მისი სიძულვილი და 7 წლის მერეც რომ მხოლოდ ეს გაძლევს ენთუზიაზმს და დარბაზში "ოცნების" დეპუტატებს თვალები ამაზე ენთებათ და სხვა არაფერი "გასახარი" არ აქვთ, ეს არის მძიმე სურათი. არ შეიძლება ხელისუფლებაში იყოს ხალხი, რომელიც საზრდოობს მხოლოდ სიძულვილით ოპოზიციის მიმართ", - განაცხადა გიგა ბოკერიამ.