საქართველოს პრეზიდენტის, სალომე ზურაბიშვილის აზრით, ჟენევის მოლაპარაკებათა ფორმატი „უფრო მაღალი დონის დიალოგით უნდა შეიცვალოს".

აღნიშნულ საკითხზე სალომე ზურაბიშვილი ამჯერად „ტვიტერის“ საკუთარ გვერდზე წერს.

“ჟენევის საერთაშორისო დისკუსიების ფორმატი უნდა შეიცვალოს უფრო მაღალი დონის დიპლომატიური და პოლიტიკური დიალოგით. ჩვენ არ შეგვიძლია გადავჭრათ ჩვენი კონფლიქტი იმ ფორმატით, რომელიც უბრალოდ ტექნიკური საკითხებით არის დაკავებული“, - წერს სალომე ზურაბიშვილი „ტვიტერის“ საკუთარ გვერდზე.